БИШКЕК, 23-июл. — Sputnik. Кыргызстандагы микроавтобустардын биринин айдоочусу жүргүнчүлөргө кам көрүп, салонго желдеткич орнотту.
Анын видеосу Instagram баракчасына жарыяланды.
Видеодон бусиктин ичинде үч жерге желдеткич коюлганын көрүүгө болот.
Айрым интернет колдонуучулар желдеткич Бишкектеги №195 маршруткага коюлган деп жазышса, бир даары Бишкек — Военно-Антоновка каттамы боюнча жүргөн бусик экенин белгилешүүдө. Кээ бир колдонуучулар мындай микроавтобусту Жалал-Абад шаарынан көргөнүн айтышты.
Белгилей кетсек, Кыргызгидромет 26-июлдан 29-июлга чейин Кыргызстан боюнча абанын температурасы көтөрүлүп, айрым жерлерде 40 градуска дейре жетерин эскерткен.