БИШКЕК, 20-июл. — Sputnik. Жалал-Абад облусундагы чоң сууга агып кеткен жоокер изделүүдө. Бул тууралуу Мамлекеттик чек ара кызматынан билдиришти.
Маалыматка ылайык, 19-июль күнү Чаткал районундагы Найза-Сай аймагындагы Ак-Булак суусуна контракттык негизде кызмат өтөгөн чек арачы тайгаланып түшүп, агып кеткен.
Учурда издөө иштерине Өзбекстандын Өзгөчө кырдаалдар министрлигинин кызматкерлери да көмөктөшүүдө.
Окуя аскер прокуратурасына кабарланды.