БИШКЕК, 20-июл. — Sputnik. Бишкекте жашаган Улуу Ата мекендик согуштун ардагери Петр Поломошнов 95 жаш курагын белгилеп жатат. Биринчи Май районунун акими Алибек Биримкулов менен Куралдуу күчтөрдүн жана согуш ардагерлеринин райондук кеңешинин төрагасы Маркиль Ибраев ардагерди үйүнө барып куттукташты. Бул тууралуу мэриядан билдиришти.
Ардагерге 30 миң сом тапшырылып, андан тышкары үйүнүн чатырын алмаштырууга курулуш каражаттары берилди. 10 күндүн ичинде Жергиликтүү аймактык башкармалык үйдүн чатырын оңдоп берүүнү убадалашты. Каражат райондук бюджеттен бөлүнөт.