БИШКЕК, 18-июл. — Sputnik. Казакстандык аткаруучу Димаш Кудайберген дүйнөгө белгилүү франциялык ырчы Лара Фабиан менен дуэт ырдап чыкмай болду.
"Жакында сиздерге World Music Awards сыйлыгынын ээси Лара Фабиан менен жаңы дуэтти тартуулайбыз" , — деп жазган Instagram баракчасына.
Лара Фабиандын ыры жаш ырчыга буга чейин ийгилик алып келген. Кытайда өткөн сынакта ал Adagio ырын аткарып, жеңишке жеткен.
Франциялык ырчы муну жогору баалаган.
2017-жылы Димаштын атасы жана продюсери Канат Айтбаев 2017-жылы Лара Фабиан менен биргеликте ыр жаздыруу аракетинде жүргөндүгүн айткан эле.