БИШКЕК, 17-июл. — Sputnik. 6-июль күнү Санкт-Петербургда кыргызстандык кишинин сөөгү табылды. Бул тууралуу ИИМдин маалымат кызматынан кабарлашты.
Кишинин сөөгү ээси жок Hyundai Elantra үлгүсүндөгү унаанын ичинен табылган. Учурда экспертиза дайындалып, окуянын чоо-жайы такталууда.
34 жаштагы киши Жалал-Абад облусуна караштуу Кара-Көл шаарында туулганы белгилүү болду. Ал курулуш тармагында иштеп келген. Болжол менен бир ай мурда байланышка чыкпай калган. 16-июлда сөөгү мекенине жөнөтүлдү.