БИШКЕК, 16-июл. — Sputnik. Бишкектеги Токтогул көчөсүнүн Исанов менен Үмөталиевге чейинки бөлүгүндө оңдоо иштери жүрүп жаткандыктан айрым маршруттук таксилердин каттамы өзгөрдү. Бул тууралуу мэриянын маалымат кызматы билдирди.
Каттамы өзгөргөн маршруткалар: № 102, 110, 195, 200, 210, 222, 266. Ал эми №222 маршрутка батышты көздөй кетип баратканда Киев көчөсү менен Шопоковдон Жаш Гвардия проспектисине чейин жүрөт.
№102, 195 маршруткалар Москва көчөсү менен Манас проспектисинен Үмөталиев көчөсүнө дейре каттайт.
№200 маршрутка Киев көчөсү менен Манас проспектисинен Бейшеналиева көчөсүнө чейин жүрөт.
№110, 210 маршруткалары батышты көздөй кетип баратканда Киев көчөсү менен жүрөт.
Ал эми №266 маршрутка батышты карай баратканда Киев көчөсү менен Манас проспектисинен Бейшеналиева көчөсүнө чейин барат.
Маршруткалардын каттамы жолдор оңдолгондон кийин калыбына келет.