БИШКЕК, 15-июл. — Sputnik. Чүй облусунун Чоң-Арык айылында эки адам тоодон кулап, 18 жаштагы жигит көз жумду. Бул тууралуу ӨКМдин маалымат кызматы кабарлады.
Билдирмеге караганда, төрт киши тоого эс алганы чыгып, экөө кулап кеткен.
"ӨКМге маалымат 15-июлга караган түнү 02:00дөр чамасында түшкөн. Жерине 10 куткаруучу тартылган. Алар жабыркагандарды тоодон алып түшүп, Тез жардам кызматына өткөрүп беришкен", — деп жазылат маалыматта.
Тоодон кулагандардын бири, 18 жаштагы жигит алган жараатынан улам ооруканада көз жумган.