БИШКЕК, 14-июл. — Sputnik. UFC Fight Night 155 турниринин негизги беттеши 40 жаштагы Юрай Фэйбердин жеңиши менен аяктады. Ал октагонго үч жылдан бери чыга элек болчу.
Мелдештин видеосу UFC уюмунун Twitter баракчасына жана YouTube каналына жарыяланган.
Турнир АКШнын Сакраменто шаарында өттү. Анда жеңил салмактагы чемпиондук курдун мурдагы талапкери Фэйбер беттештин 46-секундунда 26 жаштагы атаандашы Рики Симонду нокаутка кетирген. Симон буга чейин сегиз жолу жеңишке жеткен.