БИШКЕК, 9-июл. — Sputnik. Балбан Акылбек Талантбеков Азия чемпионатында грек-рим күрөшү боюнча юниорлор арасында күмүш медалды утуп алды. Бул туурасында Бириккен күрөш дүйнөсүнүн сайтында кабарланды.
Азия турнири Таиланддын Чонбури шаарында өтүп жатат. Кыргызстандан намысты коргоо үчүн болгону 9 спортчу аттанган. Талантбеков 77 килограммга чейинки салмактагылар менен беттешкен.
Ал финалдын ¼ стадиясында Өзбекстандан барган Дильшод Омонгелдиевди жеңген. Жарым финалда ирандык Мохаммад Азиз Нагуси менен күрөшүп, 6:3 эсебинде жеңилип калган.