БИШКЕК, 8-июл. — Sputnik. Бүгүн мамлекет башчы Сооронбай Жээнбеков "Ала-Арча" мамлекеттик резиденциясында жалпы республикалык тестирлөөдөн жогорку балл алган 51 бүтүрүүчүгө алтын сертификат тапшырды.
Sputnik Кыргызстан агенттиги алдыга талпынып, келечекке чоң кадам таштаган абитуриенттер кайсы аймактагы мектептерди бүтүргөндүгүнө кызыгып көрдү.
ЖРТнын жыйынтыгы боюнча президенттин колунан Бишкек шаарынын 22, Ош шаарынын төрт, Баткендин сегиз, Жалал-Абаддын алты, Талас облусунун беш окуучусу алтын сертификат алды. Ал эми Ысык-Көл, Нарын, Чүй облустары экиден гана сертификатка ээ болду. Ал бүтүрүүчүлөр өлкөдөгү көпчүлүк жогорку окуу жайларда акысыз окуй алышат. Андан сырткары, алардын айрымдары өздөрүнүн дараметине жараша чет элдик ЖОЖдорду да тандашат.
Кошумчалай кетсек, жалпы республикалык тестирлөөгө 43 440 мектеп окуучу катышып, бүтүрүүчүлөрдүн 62,2 пайызы 110 баллдык көрсөткүчтөн өттү.
Эске салса кетсек, 2018-жылы 59 бүтүрүүчүгө алтын сертификат тапшырылган.