БИШКЕК, 7-июл. — Sputnik. 8-июлда тоолуу өрөөндөрдө жаан жаап, күн күркүрөшү күтүлөт, дыйканчылык аймактарда күн ачык болот. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетиши мүмкүн.
Билдирүүгө ылайык, абанын температурасы Чүй облусунда +31…+36, Таласта +30…+35 градусту түзөт.
Ош, Баткен жана Жалал-Абад облустарында +32…+37 градус ысык болот.
Ысык-Көлдө күндүн табы +23…+28 градуска көтөрүлсө, Нарында бул көрсөткүч +21…+26 градуска жетет.
Ал эми Бишкек жана Ош шаарларында күн ачык болуп, абанын температурасы +34…+36 градуска чамалап барат.