БИШКЕК, 4-июл. — Sputnik. Быйылкы жылдын эсебинен Бишкектеги 12 жаңы конуш толук электр энергиясы менен камсыздалат. Бул тууралуу мэриядан кабарлашты.
Маалыматка ылайык, ушу тапта тийиштүү иштер Ак-Ордо, Ак-Босого, Калыс-Ордо, Ак-Бата, Дордой, Ак-Тилек-2, Кайыңды, Учкун, Энесай, Рухий Мурас жана Мурас-Ордо конуштарында жасалып жатат.
"Жумуштардын көбүн 1-августка чейин бүтүрүүнү пландаштырып жатабыз. Долбоордун жалпы баасы 67,5 миллион сом болду. Каражат шаардык бюджеттен бөлүндү", — деп айтылат маалыматта.
Электр энергиясын конуштарга жеткирүү иштерин мэриянын Капиталдык курулуш башкармалыгы жүргүзүүдө.