БИШКЕК, 3-июл. — Sputnik. Ишенгүл Болжурова Кыргызстандын Тышкы иштер министрлигинин Коомдук кеңешинин төрайымы болуп шайланды. Бул тууралуу ТИМден билдиришти.
Маалыматка караганда, 2-июлда Коомдук кеңештин жыйыны өтүп, анын мүчөлөрү Болжурованы бир добуштан колдоп беришкен.
Ал эми Уран Ахметов жооптуу катчы болуп шайланган.
Белгилей кетсек, Ишенгүл Болжурова убагында билим берүү жана илим министри кызматын аркалап, Кусеин Карасаев атындагы Бишкек гуманитардык университетинин ректору болгон.