БИШКЕК, 3-июл. — Sputnik. Дүйнө жүзү боюнча WhatsApp, Instagram жана Facebook тармактары иштебей калууда. Бул туурасында Downdetector сайты кабарлады.
Аталган сайт социалдык тармактардын ишинин үзгүлтүккө учурап жана иштен чыгышына байкоо жүргүзөт. Болжол менен Бишкек убактысы боюнча саат 20.50дөн тарта тиркемелерди колдонууда кыйынчылыктар жаралды.
Мындай абал Европа, Россия жана Кыргызстанда катталганы айтылууда.
Downdetector сайты соцтармакка сүрөт жүктөөдө, жаңылап көрүүдө көйгөй жаралганын белгиледи.
Кыргызстанда да ушундай кыйынчылыктар байкалып жатканын "Бишкек сегодня" Telegram тайпасына жазышууда.
Себеби азырынча белгисиз.