БИШКЕК, 3-июл. — Sputnik. Шаардык милиция Бишкектеги "Айчүрөк" дүр-дүйнө дүкөнүнүн (ЦУМ) жанынан чет элдикти сабады делген шектүү кишини кармады. Бул тууралуу шаардык милициядан кабарлашты.
Бишкекте ЦУМдун жанынан чет элдикти сабаган киши кармалды
© Фото / пресс-служба МВД
Эскерте кетсек, окуя 2-июль күнү болжол менен саат 16.00дө ЦУМдун жанынан болгон. Чет элдик жаранды бейтааныш киши бир чаап, соккудан улам ал асфальтка кулап эс-учун жоготкон. Жабырлануучунун реанимацияда комада жатканы айтылган.
Премьер аталган фактынын бетин тез арада ачууну ички иштер министри Кашкар Жунушалиевге тапшырган.
Ыкчам иликтөө иш-чараларынын жыйынтыгында Свердлов РИИБдин криминалдык кызматы тарабынан шектүү катары Ысык-Көл облусунун 22 жаштагы тургуну кармалган. Учурда ал Бишкек ШИИБдин убактылуу кармоо жайына киргизилди.