Кыргыз мамлекеттик техникалык университети энергетика, транспорт, машина куруу, жеңил тамак-аш өнөр жайы жана IT тармагында эмгектенчү адистерди даярдайт. Бул тууралуу Мирлан Чыныбаев Sputnik Кыргызстан радиосунун таңкы эфиринде маек куруп жатып билдирди.
Анын айтымында, абитуриенттерди башка окуу жайлардай эле ЖРТ аркылуу 8-июлдан тарта кабыл ала баштайт.
"8-июлда абитуриенттерди кабыл алуунун 1-туру, 15-июлда 2-туру, ал эми 22-июлда 3-туру башталат. Бул жылы сабак өтүүдө англис тилине көбүрөөк көңүл бурулууда. Ошондой эле чет өлкөлүк окуу жайлар менен кызматташууга мүмкүнчүлүктөрдү кеңейтип жатабыз", — деди проректор.
Ал аталган окуу жайга жыл сайын 1000дей чет өлкөлүк студент окууга тапшырарын кошумчалады.