БИШКЕК, 2-июл. — Sputnik. Улуттук коопсуздук мамлекеттик комитетинин маалымат кызматы "Анкарада кыргызстандык кыз зордукталды" деп интернетте тарап жаткан видеону "фейк болушу мүмкүн" экенин айтты.
Социалдык тармакта топ балдар азиат түспөлүндөгү кызды зордуктап жатканы тартылган видео тараган. Ошол эле маалда аудио да жарыяланып, кордук көргөн кыз кыргызстандык экенин, окуя Түркиянын Анкара шаарында болгонун айтышкан.
УКМК бул боюнча текшерүү башталганын, анын жыйынтыгына жараша толук маалымат берерин билдирди.
Соцтармакта да мекендештерди чагымчылдыкка алдырбоого чакырып жаткандарды байкоого болот.
Ал видео порнографиялык сайттар үчүн тартылышы ыктымалдыгы да болжолдонду.