БИШКЕК, 28-июн. — Sputnik. Россиянын президенти Владимир Путин менен АКШ лидери Дональд Трамп G20 саммитинин ачылыш аземинде чогуу сүрөткө түшүү учурунда аз убакытка жолугуп сүйлөшүштү. Бул тууралуу РИА Новости агенттиги жазды.
G20 саммити Япониянын Осака шаарында өтүп жатат. Буга чейин Трамп саммиттин алкагында Путин менен жемиштүү сүйлөшүү болоруна үмүт артканын билдирген.
Россия президентинин жардамчысы Юрий Ушаковдун айтымында, президенттер стратегиялык туруктуулук, регионалдык жаңжал, анын ичинде Сириядагы, Афганистан, Украина, Венесуэладагы кырдаал менен Ирандын маселесин талкуулашы ыктымал.