БИШКЕК, 27-июн. — Sputnik. Президент Сооронбай Жээнбеков Тажикстандын өлкө башчысы Эмомали Рахмон менен телефон аркылуу сүйлөшкөнүн мамлекет жетекчисинин маалымат кызматы билдирди.
Белгилей кетсек, бүгүн тажик эли Улуттук биримдик күнүн белгилеп жатат.
Жээнбеков Эмомали Рахмонду жана жалпы Тажикстандын элин куттуктап, тынчтык, бакубатчылык жана өсүп-өнүгүү каалады.
Мамлекет башчылар ошондой эле кыргыз-тажик кызматташтыгынын актуалдуу маселелерин талкуулап, мамлекеттик чек араны делимитация жана демаркациялоо процессин тездетүүнү макулдашышты.