"Кыргызстанга биринчи жолу келгенде көп жерлерди көрүүгө үлгүрбөй калдым. Экинчи жолкусунда Ысык-Көлдүн түштүк тарабындагы жээгине барып, таң калтырган каньондорго күбө болдум. Бул сапар өзүм үчүн республиканын түштүк тарабын ачууну чечкем", — деп Дрос өзүнүн сайтына жазды.
"Кыргызстан — түштүктүн кооздугу" аттуу эмгек өлкөнүн көз талдырган жаратылышын чагылдырат.
Голландиялык фотографтын айтымында, ал Ош облусунун чет-жакасын, Ленин чокусун, Арстанбаб коругун, Сары-Челек көлүн кыдырган. Ошондой эле Бишкектин четинен дагы бир нече сүрөт тарткан.
Альберт Дрос ири компаниялардын буйрутмасы менен эмгектерин жаратып келет. Анын тарткан сүрөттөрү бир нече ирет National Geographic, Time, The Daily Mail жана Huffington Post басылмаларынын биринчи бетине чыккан.