БИШКЕК, 23-июн. — Sputnik. Борбор калаанын чок ортосунда 200гө чукул адам йога менен машыккан флешмоб өттү.
Иш-чараны Индиянын Кыргызстандагы өкүлчүлүгү жана Бишкек шаарынын мэриясы уюштурган. Элчиликтин маалыматына ылайык, флешмобго Индиядан атайын тажрыйбалуу инструкторлор чакыртылган.
Эл аралык йога күнүнө карата уюштурулган иш-чара Курманжан датка эстелигинин алдындагы аллеяда болду.
Бүткүл дүйнөлүк йога күнү БУУнун резолюциясы менен 2014-жылдан бери 177 өлкөдө белгиленип келет. Анын ичинде Кыргызстан да бар.