ОШ, 21-июн. – Sputnik. Араван районундагы Түштүк Фергана каналына агып кеткен жаш жубайлар эки күндөн бери табыла элек. Бул маалыматты облустук милициянын маалымат катчысы Жеңиш Аширбаев тастыктады.
Билдирүүгө ылайык, жубайлар Нур-Абад айыл өкмөтүндөгү Кайрагач-Арык айылынын жашоочулары болчу. Алар июнь айынын баш ченинде үйлөнүшкөн.
Окуя катталары менен жубайларды издөө иштерине 20 милиция кызматкери жана ӨКМден 22 куткаруучу тартылган. Бүгүн, 21-июнь күнү дагы, издөө иштери улантылып жатат. Бирок жубайлар табыла элек.
ИИМ ӨКМ менен биргеликте Өзбекстандын Өзгөчө кырдаалдар министрлигине издөө иштерине көмөктөшүү боюнча кайрылуу жолдоду.
Маалыматта жигиттин 33, ал эми келиндин 22 жашта экени айтылат. Жубайлардын сууга эмнеге барганы азырынча белгисиз. Суу ичүүгө жарабагандыктан суу алып келүүгө барышы мүмкүн деген божомол четке кагылды.
Түштүк Фергана каналы Араван району аркылуу Өзбекстанга агып кетет.