Экономикалык кылмыштуулук менен күрөшүү кызматынын маалыматына караганда, кызматкер улгайып калган аялды пенсияга чыгаруу үчүн пара талап кылган деп айыпталууда.
Сотко чейинки өндүрүштө белгилүү болгондой, жетекчинин орун басары аялдан 22 миң сом алмакчы болгон. Бирок буга чейин да пенсияга чыккысы келген аял документтерди бүтүрүү үчүн деп 13 миң сом бергенин айткан.
19-июнь күнү аткаминер өз кабинетинде 10 миң сом пара алып жаткан жеринен кармалган.
Видеодо столдун үстүндө акчалар жатканын жана аларда "пара" деген жазуулар бар экени текшерилип жатканын көрүүгө болот.
Шектелүүчү Жалал-Абад ОИИБдин убактылуу кармоо жайына киргизилди.