БИШКЕК, 19-июн. — Sputnik. Бишкектик “Дордой” футбол клубу Ашхабаддын (Түркмөнстан) командасына 1:3 эсебинде утулуп калды. Бул тууралуу Кыргызстандын Футбол федерациясынан билдиришти.
Оюн 19-июнда Ашхабадда өткөн. 23-мүнөттө түркмөнстандык Алтымурад Аннадурдыев дарбазага топ киргизип эсепти ачкан. 62-мүнөттө “Дордойдун” оюнчусу Азамат Байматов өз дарбазасына гол киргизип алган. Ал эми 86-мүнөттө кыргызстандык Эрнист Батырканов каршылашынын дарбазасына топ киргизсе, акыркы голду “Алтын Асырдын” Мурад Ягшиев аттуу оюнчусу 89-мүнөттө киргизген.