БИШКЕК, 18-июн. — Sputnik. ӨКМге Талас шаарында 90 жаштагы карыя сууга чөгүп кеткени тууралуу маалымат түшкөн.
Абышканы мындан эки күн мурда туугандары өз алдынча издешкени белгилүү болду. 17-июнда издөө иштерине жалпы жонунан 20 куткаруучу тартылып, саат 16.20ларда карыянын сөөгү табылган.
Мындан сырткары, Чүйдө Шамшы айылындагы Шамшы суусуна 14 жаштагы бала чөгүп кеткени тууралуу билдирүү түшкөн. Өспүрүмдү издөөгө жалпы жонунан 55 киши тартылган. Натыйжада кечээ саат 9.15те өспүрүмдүн сөөгү табылып, ИИМ кызматкерлерине өткөрүп берилди.