БИШКЕК, 15-июн. — Sputnik. Мурунку башкы прокурор Аида Салянова бүгүн эртең менен №1 тергөө абагынан Мирсаид Мирахимов атындагы Улуттук кардиология жана терапия борборуна алып келинди. Бул тууралуу Жаза аткаруу мамлекеттик кызматы билдирди.
"Салянова 15-июнга кардиологдун текшерүүсүнөн өтмөк", — деп айтылат маалыматта.
Ушу тапта дарыгерлер консилиум өткөрүп, аны дарылоонун кереги бар-жогун аныктап жатышат.
Белгилей кетсек, Аида Салянова 5-июнда Батукаевдин мыйзамсыз бошотулушу боюнча жанданган кылмыш иштин алкагында камакка алынган.