Тажикстандын президенти Эмомали Рахмон Душанбе шаарында өтө турган Азиядагы кызматташтык жана ишеним чараларынын 5-саммитине барган президенттерди коноктоду. Достук кечесинин сүрөттөрүн Sputnik Тажикстан жарыялады.
Маалыматта кечеге Россия президенти Владимир Путин, Өзбекстандын башчысы Шавкат Мирзиёев, Афганистандын өкмөт башчысы Абдулло Абдулло, Казакстандын президенти Касым-Жомарт Токаев жана башка меймандар катышты.
Рахмон саммитке келген меймандарды тажик маданияты, тарыхы жана меймандостуктун мыкты салты менен тааныштырды. Кечеде кол өнөрчүлөрдүн эмгектери коюлган көргөзмөлөр уюштурулган. Коноктор Тажикстанда өстүрүлгөн коон, дарбыз, шабдалы, өрүк, алма жана башка мөмө-жемиштерди даамдап көрүштү.
Белгилей кетсек, аталган уюмга 27 мамлекет мүчө.
15-июнь күнү эртең менен аталган иш-чарага катышуу үчүн КР президенти Сооронбай Жээнбеков да Душанбеге учуп кетти.