БИШКЕК, 13-июн. — Sputnik. Президент Сооронбай Жээнбеков Кыргызстан Кытай Эл Республикасын соода-экономикалык кызматташуу жаатында башкы өнөктөш катары кабылдай турганын айтты.
"Биз үчүн Кытай башкы өнөктөш, өз ара соода мамилесин өнүктүрүүгө жана биргелешкен инвестициялык долбоорлорду илгерилетүүгө кызыкдарбыз", — деди Жээнбеков.
Белгилей кетсек, Си Цзиньпин Бишкекке мамлекеттик сапары менен келди. Пландаштырылган иш-чаранын алкагында эки өлкө башчысынын кеңейтилген курамдагы жолугушуусу өтүп жатат.
Кытай лидери ШКУга мүчө мамлекет башчыларынын жыйынына да катышмакчы.