БИШКЕК, 12-июн. — Sputnik. Бүгүн Нур-Султан шаарында Казакстандын жаңы шайланган президенти Касым-Жомарт Токаевдин инаугурациясы өтүп жатат. Бул туурасында Sputnik Казакстан жазды.
Иш-чара Эгемендүүлүк сарайында болууда.
Эске салсак, Борбордук шайлоо комиссиясынын алдын ала чыгарган жыйынтыгына караганда, Касым-Жомарт Токаев шайлоочулардын добушунун 70,96 пайызын алган.
Президент эл алдында казак тилинде ант бергенден кийин дароо мамлекет башчылык ишине киришет.
Инаугурацияга парламент депутаттары, Конституциялык кеңештин мүчөлөрү, Жогорку Соттун судьялары жана өлкөнүн мурдагы президенттери катышары айтылган.
Буга чейин ал Бишкектеги саммитке өз статусунда келе тургандыгын айткан.