БИШКЕК, 12-июн. — Sputnik. Борбор калаанын бир катар аймактарында 17-июндан 21-июнга чейин газ жок болот. Бул тууралуу мэриядан билдиришти.
Маалыматка караганда, Лев Толстой, Киров көчөлөрүндөгү, Новопавловка айылындагы, Ала-Арча дарыясы менен Чоң Чүй каналынын аймагындагы 10 миң абонент газсыз калат.
"Газпром Кыргызстан" компаниясы түзүлгөн ыңгайсыздык үчүн кечирим сурайт.
Аталган убакыт аралыгында компания кызматкерлери калыбына келтирүү иштерин жүргүзөт.