БИШКЕК, 9-июн. — Sputnik. Борбор калаада грек-рим күрөшү боюнча эл аралык мелдеш өткөрүлөт. Бул тууралуу Жаштар иши, дене тарбия жана спорт мамлекеттик агенттигинен билдиришти.
Маалыматка ылайык, спорттук иш-чара 11-12-июнь күндөрү Кожомкул атындагы спорт сарайда Раатбек Санатбаевдин жаркын элесине арналып уюштурулат. Анда чоңдор күч сынашып, жеңүүчүлөр дүйнө чемпионатынын лицензиялык мелдештерине катышат.
Аны уюштурууга мамлекеттен 636 миң сом каралган.