БИШКЕК, 8-июн. — Sputnik. Казакстандык ырчы Димаш Кудайберген "Муз-ТВ" музыкалык сыйлыгынын кызыл килеминен биринчи жолу өттү. Бул тууралуу Sputnik Казакстан жазды.
Ырчынын кызыл килемден өткөн видеосу анын Instagram баракчасына жарыяланган.
Кадрдан көрүнүп тургандай, музыкантты күйөрмандары кыйкырык-сүрөөн менен тосуп алышкан. Ырчы да өз кезегинде алар менен кол алышып, учурашып, кол тамгасын коюп, ыраазы кылган.
Димаштын күйөрмандары менен амандашканын байкаган иш-чаранын алып баруучусу Максим Галкин Димаш жаш ырчы болсо дагы күйөрмандарына барып кол алышканды билерин баса белгилеген.
Андан соң Галкин Димашты: "Мени байкаганыңа рахмат", — деп тамашалаган.
Белгилей кетсек, казакстандык ырчы бул жылы "Муз-ТВ" музыкалык сыйлык тапшыруу аземинин атайын коногу катары чакырылган.