БИШКЕК, 2-июн. — Sputnik. 3-июнда көпчүлүк аймактарда жаан жаап, күн күркүрөшү, бийик тоолуу райондордо кар жаашы болжолдонууда. Бул тууралуу Кыргызгидромет билдирди.
Маалыматка ылайык, Чүй облусунун тоо этектеринде жана тоолуу райондорунда, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан-чачын катуу жаашы күтүлөт. Тоо этектеринде жана тоолуу райондордо мөндүр жаайт. Батыштан соккон шамалдын ылдамдыгы секундасына 4-9 метрден кээ бир райондордо 17-22 метрге жетет.
Абанын температурасы Чүй, Талас облустарында +22... +27, Баткен, Ош жана Жалал-Абадда +24...29, Нарын жергесинде +16...+21, ал эми Ысык-Көл өрөөнүндө +18... +23 градус жылуу болот.
Ош жана Бишкек шаарларында мезгил-мезгили менен жаан жаайт. Күндүн табы Ошто +25...+27, борбор калаада +23...+25 градуска чейин көтөрүлөт.