Жергиликтүү South China Morning Post гезитинин маалыматына караганда, кырсык өлкөнүн түштүгүндө жайгашкан Чжанчжоу шаарында болгон.
Сахна урап түшкөн учурда кичинекей артисттер сүрөткө түшүү үчүн тизилип жатышкан.
Окуя болору менен кулагандарга жардам берүү үчүн эл чуркап чыккан. Бирок наристелердин бирин аман алып калууга мүмкүн болгон жок. Жалпысынан ооруканага 20 бала түшсө, алардын 14ү оор жаракат алгандар болду.
Алдын ала маалыматтарга караганда, сахна адамдын көптүгүн көтөрө албай калган. Кийин уюштуруучулардын бири ал мурда эле эскилиги жетип турганын мойнуна алган.
Полиция иликтөө иштерин баштап, иш-чаранын жүрүшүнө жоопкер бир нече кишини кармады.