БИШКЕК, 29-май — Sputnik. Кыргызстандын аймагында июндун башы жаанчыл болорун ӨКМден кабарлашты.
Маалыматка караганда, 1-июнда күндүз жана 2-5-июнда туруксуз аба ырайы күтүлөт.
1-июнда күндүз Чүй, Талас, Ош, Жалал-Абад, Баткен облустарынын тоо этектеринде жана тоолуу райондорунда, Ысык-Көл, Нарын облустарынын кээ бир райондорунда жаан жаап, күн күркүрөшү күтүлөт. Батыштан соккон шамалдын ылдамдыгы секундасына 4-9 метрден, кээ бир райондордо 17-22 метрге чейин жетиши мүмкүн.
2-3-июнда Чүй облусунун тоо этектеринде жана тоолуу райондорунда, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан-чачын катуу жаайт. Тоо этектеринде жана тоолуу райондордо мөндүр жаашы мүмкүн. Батыштан соккон шамалдын ылдамдыгы секундасына 4-9 метрден, 2-июнда кээ бир райондордо 15-20 метрге чейин жетиши күтүлөт.
4-5-июнда туруксуз аба ырайы сакталып турат. Кээ бир райондордо жаан жаап, күн күркүрөп, бийик тоолуу райондордо кар жаайт. Абанын температурасы дээрлик өзгөрүлбөйт.