БИШКЕК, 29-май — Sputnik. Борбор калаада кыргыз-кытай бизнес форуму өтөт. Бул тууралуу Инвестиция жана экспортту илгерилетүү боюнча мамлекеттик агенттиги билдирди.
Маалыматка ылайык, эки өлкөнүн соода-экономикалык алакасын жакшыртууга багытталган иш-чара 11-июнь күнү уюштурулат. Ага президент Сооронбай Жээнбеков менен Кытай лидери Си Цзиньпиндин да катышуусу күтүлүүдө.
Анда коңшу өлкөдөн келген инвесторлор жергиликтүү мамлекеттик орган жана ишкерлер менен ар тараптан кызматташууну талкуулашат.
Ошондой эле форумда тараптардын энергетика, айыл чарба, өнөр жай, маалыматтык технологиялар жаатында кызматташуусу боюнча сөз болот.