Кыргызстандык К.Д. аттуу кишинин үйүнөн өлкө аймагында тыюу салынган маалыматтарды жашыруун алуучу техникалык жабдуулар табылды. Бул тууралуу УКМКдан кабарлашты.
Ведомствонун маалымат кызматы тараткан сүрөттөрдөн кичинекей видеокамераларды жана башка түрдүү каражаттарды көрүүгө болот.
Аталган техникалар К.Д. аттуу жарандын үйүнөн 25-майда табылган.
Учурда экспертиза дайындалып, 252-берене менен козголгон кылмыш иштин ("Атайын техникалык каражаттарды мыйзамсыз өндүрүү жана сатуу") негизинде тергөө амалдары жүрүүдө.