Окуя таңкы 5.00дөр чамасында болуп, жерине дароо эле Бишкек ШИИБинин криминалдык милициясы менен Свердлов райондук милициясы барган.
"Көп өтпөй шектүү катары 19, 20 жана 21 жаштагы үч жаран кармалды. Алардын жашаган жерин тинтүүгө алганда карактоо учурунда пайдаланылган колго жасалган курал жана 21 ок табылды", — деп айтылат билдирүүдө.
Үч жигит Бишкектеги май куюучу жайды тоноп кетти. Карактоонун видеосу
© Фото / пресс-служба ГУВД Бишкека
Шектелүүчүлөр мындай кадамга барышына "Супер арзан" дүкөнүнө болгон кол салуунун видеосу "дем" бергенин айткан.
Аталган факты Кылмыш жана жоруктардын бирдиктүү реестрине каттоого алынып, Жазыктар кодексинин 202-беренеси ("Каракчылык") менен кылмыш иши козголду. Шектелүүчүлөр Бишкек ШИИБинин убактылуу кармоо жайына киргизилди.