БИШКЕК, 26-май — Sputnik. Американын Джорджия университетинин окумуштуулары таразага такай түшүп туруу арыктоого же салмакты бир калыпта сактап турууга жардам берерин аныкташты. Бул тууралуу Daily Mail басылмасы жазды.
Адистердин айтымында, такай таразага түшкөн киши ичкен-жеген тамактарына катуу көз салышат. Атайын изилдөөгө 18 жаштан 65 жашка чейинки 111 киши катышкан. Окумуштуулар аларды учурдагы салмагын сактоо керектиги боюнча тапшырма берген. Анын соңунда алынган жыйынтык боюнча күн сайын таразага түшкөн кишилер 800 граммга арыктап же салмагын сактап калган. Ал эми такыр таразага түшпөгөндөр орто эсеп менен 2,2 килограммга чейин семирген.