БИШКЕК, 25-май — Sputnik. "Бишкекасфальтсервис" ишканасынын жумушчулары Токтогул Сатылганов атындагы улуттук филармониянын айланасын жана Чүй — Манас проспектилеринин кесилиштерин жакшыртууда. Бул тууралуу мэриянын маалымат кызматы кабарлады.
Билдирмеге ылайык, филармониянын айланасындагы 3 миң чарчы метр аянттын брусчаткасы алмаштырылып, гранит плиталары реставрацияланып, "Манас" скульптордук комплексине вандалдар жазып, тартып кеткен ар кандай жазуу, сүрөттөр тазаланууда.
Чүй — Манас проспектисинде жайгашкан аялдаманын айланасындагы эски брусчаткалар жаңыга алмаштырылып, ирригациялык тутумдар тазаланды.
Мэрия калаа тургундарынан шаардын тазалыгын сактоого чакырды.