БИШКЕК, 20-май — Sputnik. Ысык-Көлдө армрестлинг боюнча Азия чемпионаты өткөрүлөт. Бул тууралуу Жаштар иши, дене тарбия жана спорт мамлекеттик агенттигинен билдиришти.
Маалыматка ылайык, спорттук иш-чара 6-июндан 12-июнга чейин Чолпон-Ата шаарында өтөт. Ага Азиянын ондон ашык өлкөсүнөн чогулган спортчулар катышат.
Эл аралык мелдеште Кыргызстандын намысын 30 спортчу коргойт. Учурда алар машыгууларын өткөрүүдө.