БИШКЕК, 20-май — Sputnik. Июнь айында кыргызстандыктар бир күндүк майрамдык дем алышка чыгат.
2018-жылдын аягында өкмөт тарабынан кабыл алынган эс алуу күндөрүн жылдыруу жөнүндөгү токтомго ылайык, 1-июнь Балдарды коргоо күнү болуп эсептелет. Анткен менен бул күн календарда "кызыл" менен белгиленген эмес.
Июнда башка майрам болот — Рамазан айынан кийин айт күтүлүүдө. Анын датасы токтомдо көрсөтүлгөн эмес, анткени бул күн орозого карата белгиленет.
Быйыл Рамазан айы 6-майда башталып, 29 же 30 күнгө созулат. Мындан улам июндун башында Айт майрамы белгиленет. Бул күн эс алуу күнү болот.