БИШКЕК, 19-май — Sputnik. Нарын облусунун Нарын районундагы Миң-Булак айылындагы Он-Арча суусуна 18-майда түшүп кеткен 6 жашар кыз изделүүдө. Бул тууралуу ӨКМдин маалымат кызматы билдирди.
Ага ылайык, куткаруу иштерине 50 киши тартылган.
"Бүгүн саат 08:40та Нарын шаарынан 26 куткаруучу, Суучулдар кызматынан 4 суучул жана жергиликтүү тургундардан 20 адам тартылган", — деп айтылат маалыматта.
ӨКМдин маалымат кызматы издөө иштеринин жүрүшү боюнча кошумча маалымат берилерин кошумчалады.