БИШКЕК, 19-май — Sputnik. Казакстандын Түркестан облусуна жаңы аэропорт салынат. Өлкөнүн премьер-министри Аскар Мамин эл аралык TurkistanInternationalAirport аба майданынын пайдубалынын түптөлүшүнө капсула салды. Бул тууралуу Sputnik Казакстан жазды.
Ага ылайык, аэропортту YDA Holding түрк компаниясы куруп, 70 миллион доллардан ашык инвестиция салынат.
Маалыматтар боюнча, аэропорт эл аралык стандарттарга ылайык салынып, акыркы заманбап технологиялар колдонулат. 2020-жылдын аягында ачылышы пландалган аба майдан бир жылда 3 миллион жүргүнчү тейлегенге мүмкүнчүлүгү жетет.