БИШКЕК, 17-май — Sputnik. Социалдык тармактарда лимонадга ууланган бала жугуштуу оорулар ооруканасында реанимацияга түшүп, каза болуп калганы боюнча маалымат тарап жатат.
Мындай маалыматтарды бөлүшкөндөрдүн бири Аскер Сакыбаева.
Ал эми Саламаттык сактоо министрлиги бул маалыматтар жалган экенин Sputnik Кыргызстан агенттигинин кабарчысына маалымдады.
"Ушундай эле маалыматты былтыр да таратышкан. Анда да төгүнгө чыгарганбыз. Бизде балдардын тобу менен ууланган факты катталган эмес", — деп министрликтин маалымат кызматынан билдиришти.
Айрым учурларда социалдык тармактарда жалган маалыматтар тарап кеткен учурлар көп болот. Биз алардын чын бышыгын тактап, коомго туура маалымат бергенге бардык аракетибизди көрүп келебиз. Эгер сиз дагы элди кабатыр кылып жаткан маалыматты уксаңыз, бирок анын чын-төгүнүн билбей жатсаңыз +996 706 566 544 номери аркылуу WhatsApp жана Telegram каналдарына жөнөтсөңүз болот.