БИШКЕК, 16-май — Sputnik. "Айыл Банктын" мурдагы жетекчиси Мурат Акимов 14-майда Финансылык кылмыштарга каршы мамлекеттик кызматынын өкүлдөрү тарабынан кармалды. Бул тууралуу Sputnik Кыргызстан агенттигине укук коргоо органдарындагы ишенимдүү булак билдирди.
Маалыматка караганда, анын кармалышы банктагы ишмердүүлүгүнө байланыштуу.
Учурда Финполдун маалымат кызматы бул кабарды текшерип жатат.
Эске салсак, буга чейин, 29-мартта, "Айыл Банк" ААКынын акционерлери банктын директорлор кеңешинин жана төрагасынын кызматтык укуктарын мөөнөтүнөн мурда токтотуу чечимин кабыл алган.