БИШКЕК, 13-май. — Sputnik. 14-майда түнкүсүн Нарын облусунун кээ бир райондорунда, Ысык-Көл облусунун чыгыш бөлүгүндө жаан жаап, күн күркүрөп, бийик тоолуу райондордо кар жаашы мүмкүн, калган аймактарда жаан-чачын күтүлбөйт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Маалыматка ылайык, абанын температурасы Чүй жана Таласта +23…+28, Ош, Баткен жана Жалал-Абад облустарында +26…+31 градуска жетет. Ысык-Көлдө +16…+21 градус жана Нарын аймагында +17…+22 градус жылуу болот.
Ал эми Ош жана Бишкек шаарында күн ачык болуп, абанын температурасы Ошто +28…+30, Бишкекте +26…+28 градуска чейин көтөрүлөт.