БИШКЕК, 13-май — Sputnik. Денеге чапташкан шымды көп кийген аялдар гинекологиялык-инфекциялык ооруларга көп чалдыгат. Мындай бүтүмгө Бостон университетинин (АКШ) окумуштуулары келгенин Daily Mail басылмасы жазды.
Ал үчүн адистер 18ден 40 жашка чейинки 434 кыз-келинди иликтеп көрүшкөн.
"Жумасына төрт күндөн ашык жинсы же ошол сыяктуу дегене чапталып, тыкан кармап турган шым кийген кыз-келиндердин 74 пайызы молочница жана бактериялык вагиноз илдеттери менен көбүрөөк жабыркайт", — деп айтылат макалада.
Ошондой эле дарыгерлер денени кысып кармап турган шымдар жыныстык органдарда жана анын тегерегинде кан айланууга тоскоол болорун эскертишет. Ал эми кан айлануунун начарлашы башка толгон-токой ооруларды жаратары белгилүү.