БИШКЕК, 2-май — Sputnik. Лондондо жолго коюлган камера алдына келип конуп, аны кызыгуу менен карап жаткан ак чардактын видеосун тартып алды.
Лондондун жол кызматы өзүн "журналист" сезген ак чардакты Twitter баракчасына чыгарып, алдына "Көпчүлүктүн суранычы менен биздин кабарчыбыз Блэкуолл тоннелиндеги акыркы жаңылыктарды айтып берет" деп жазып койгон.
Бул тамашаны Британиянын бир катар ЖМКлары да колдоп, ак чардак журналист болуу кыялын ишке ашырганын жазып чыгышты. Социалдык тармактын колдонуучулары да видеого түрдүү мыскыл-тамашаларды жазып, айрымдары сүрөт, видеолорду жүктөштү.