БИШКЕК, 1-май — Sputnik. Бишкекте жүргүнчү ташыган маршрутка жеңил автоунаа менен кагышып, аласалганын күбө Sputnik Кыргызстан агенттигинин кабарчысына билдирди.
Анын айтымында, кырсык 1-майда саат 7:20лар чамасында Рыскулов менен Кулуев көчөлөрүнүн кесилишинде болгон. Маршрутка Honda Fit автоунаасы менен кагышкан.
Бишкек шаардык жол кыймылы коопсуздугун камсыздоо башкармалыгы кырсык болгонун ырастады. Бирок окуянын чоо-жайы тууралуу кийин толук маалымат берилет деп ишендирди.
Жол кырсыктан жабыркаган беш киши ооруканага жеткирилген. Жаракат алгандардын арасында балдар жок.